ولانا رشید اشرف سیفی طویل علالت کے بعد انتقال کر گئے

*میڈیا سنٹر وفاق المدارس العربیہ پاکستان*

2018 کے ساتھ ساتھ علم و عمل کا سورج بھی غروب,

وفاق المدارس کی امتحانی کمیٹی کے رکن مولانا رشید اشرف سیفی طویل علالت کے بعد انتقال کر گئے,مولانا مفتی تقی عثمانی کی معرکة الآرا کتاب درس ترمذی مرتب کی,برسوں دارالعلوم کراچی میں تدریسی فرائض سرانجام دئیے,وفاق المدارس کی امتحانی کمیٹی کے رکن تھے,قائدین وفاق المدارس کا اظہار تعزیت,مولانا رشید اشرف سیفی کی دینی اور تعلیمی خدمات ہمیشہ یاد رہیں گی

اسلام آباد/کراچی ( ) تفصیلات کے مطابق جامعہ دارالعلوم کراچی کے بزرگ استاذ اور وفاق المدارس کی امتحانی کمیٹی کے اہم رکن مولانا رشید اشرف سیفی طویل علالت کے بعد انتقال کر گئے- آپ مفتی اعظم پاکستان مفتی محمدشفیع کے نواسے اور مولانا مفتی رفیع عثمانی اورمولانا مفتی محمد تقی عثمانی کے بھانجے تھے-علمی خانوادے سے تعلق کے باعث علمی تحقیقی اور تدریسی ذوق پایا تھا,مولانا مفتی محمد تقی عثمانی کے علوم ومعارف امت تک پہنچانے میں کلیدی کردار ادا کیا بالخصوص شیخ الاسلام مفتی محمد تقی عثمانی کی کئ جلدوں پر محیط کتاب درس ترمذی کو مرتب کرنے کا اعزاز پایا-مولانا رشید اشرف سیفی وفاق المدارس کی امتحانی کمیٹی کے اہم رکن تھے اور وفاق المدارس کے مثالی نظام امتحان میں مولانا رشید اشرف سیفی کا کلیدی کردار تھا-مولانا رشید اشرف سیفی کٸی دنوں سے علیل تھے اورزیر علاج تھے-وفاق المدارس کے میڈیا کوارڈینٹر مولانا طلحہ رحمانی کے مطابق مولانا مرحوم کی عمر 62 برس تھی،تقریبا 41 برس قبل جامعہ دارالعلوم کراچی سے فراغت کے بعد تدریسی و تصنیفی خدمات میں مصروف رھے،مولانا مرحوم کو اللہ بہترین انتظامی صلاحیتوں سے نوازا تھا،مولانا کے انتقال سے ملک بھر کے تعلیمی حلقوں میں سوگواری کی فضاءچھاگٸی،

مولانا رشید اشرف کی رحلت پر وفاق المدارس کے قائدین مولانا ڈاکٹر عبدالرزاق اسکندر,مولانا انوار الحق حقانی،مولانا محمد حنیف جالندھری، صوباٸی نظماء مولانا امداداللہ یوسف زٸی،مولانا قاضی عبدالرشید،مولانا حسین احمد،مفتی صلاح الدین،مولانا زبیر احمد صدیقی،مولانا اصلاح الدین حقانی،مفتی محمد طیب،مولانا عبدالمجید،مولانا عبدالقدوس محمدی سمیت دیگر منتظمین و مسٶلین نے وفاق المدارس کے ناٸب صدر مولانا مفتی محمد رفیع عثمانی و مفتی محمد تقی عثمانی سے ان کے بھانجے کے انتقال پہ تعزیت کا اظہار کرتے ہوئے ان کی تدریسی,تصنیفی اور ملی خدمات کو زبردست الفاظ میں خراج تحسین پیش کیا اور ان کے لواحقین سے تعزیت کا اظہار کیا دریں اثناء اندرون وبیرون ملک ہزاروں کی تعداد میں مولانا رشید اشرف کے تلامذہ,شاگردوں,وفاق المدارس کے متعلقین کی جانب سے اور ملک بھر کی مساجد ومدارس میں مولانا رشید اشرف کے درجات کی بلندی کے لیے خصوصی دعاوں کا سلسلہ شروع کردیا گیاہے-مولانا مرحوم نے بیوہ تین بیٹے اور چار بیٹیاں سوگوار چھوڑی ہیں۔مولانا کی نماز جنازہ جامعہ دارالعلوم کراچی میں ادا کی جاٸے گی۔

*جاری کردہ*

*میڈیا سینٹر وفاق المدارس العربیہ پاکستان*

*W M A S 0122*